今個星期會搬回家! 自從家裡裝修, 我同爸爸搬到酒店住. 今天請來好友Sandy幫我搬點東西回家. Sandy真的很好, 騰出了假日來幫我, 感謝及感恩她的一切 ^^ . 我們吃完lunch到柴灣的迷你倉, Sandy很有條理幫我執衣服, 被, 上網用的三部機, 風筒PACK 埋一大包, 咁唔駛用大喼咁麻煩, 屋企都無咁多位擺放咁多喼, 現在都已經有3個喼在家. 今次用Easy Van 個app , call左部van. 第一次嘗試咁樣call Van 仔, 因為計過, 比的士便宜. VAN 仔既師傅好落力, 幫我地抬那一大包上車, 那一大包唔輕架, 我同Sandy要兩個人一齊抬. 架van 仔夠新, 又坐得舒服. 到了我住個條街, 太多車, 師傅更下車幫我地抬包野到我家大廈門前, 當時還落住雨.
Sandy心思慎密, 好細心, 她會向我提出意見, 令我知道我做漏左D 乜, 我始終是粗枝大葉. 我們之後去日本城買枕頭, 選擇了酒店枕頭, 爸爸喜歡, 又買垃圾桶, 而我們又看看究竟用櫃或者椅, 來擺放電話, 但屋企細, 好難買到D 細櫃及椅, 配合到那個角位, 所以還沒有買. Sandy 又同我一齊拿被去洗. 洗衣店又換了人, 今年第二次易手. 我當然最喜歡以前的L姑娘, 跟她認識了十多年, 好好人, 而W夫婦亦好和善, 熱心助人, 但他們不是熱衷洗衣, 接手不到三個月, 就又易手. 今次接受那位女士.....我真的被那" 價錢" 嚇壞了. 事後, 我打電話俾L 姑娘, 講起此事. L, W都無收咁貴.
Sandy下星期還來幫我手, 人生有此朋友, 夫復何求!!
有咁既朋友真好
回覆刪除